Եգիպտոսի եւ Սաուդյան Արաբիայի ռազմածովային ուժերը իրենց հսկողության տակ են առել Աֆրիկա մայրցամաքը Արաբական թերակղզուց բաժանող Բաբ էլ Մանդեբի նեղուցը։ Այս մասին հայտնում է «Էլաֆ» օնլայն պարբերականը՝ վկայակոչելով արաբական երկրների կոալիցիայի կողմից «Անսար Ալլահ» շիա խմբավորման դեմ «Վճռականության փոթորիկ» գործողությունը վերահսկող վարչության իր ռազմական աղբյուրները։
Համաձայն առկա տեղեկությունների՝ «Եգիպտոսի եւ Սաուդյան Արաբիայի մարտական նավերը ծովի կողմից ամբողջովին վերահսկում են ռազմավարական նեղուցը»,- փոխանցում է ՏԱՍՍ-ը։
Երկու երկրների մի խումբ մարտական նավեր օդային աջակցություն են ստանում Սաուդյան Արաբիայի ՌՕՈՒ կողմից։ Նեղուցին է մոտենում եւս 4 եգիպտական ռազմական նավ։
