Յեմենի ԱԳ նախարար Ռիադ Յասինը հայտարարել է, որ ապստամբ հուսիների հետ երկխոսությունը դեռեւս հնարավոր է՝ չնայած նրանց դեմ Սաուդյան Արաբիայի անցկացրած ռազմական արշավին:
Ըստ Reuters գործակալության, այս մասին նա հայտարարել է Եգիպտոսում Արաբական պետությունների Լիգայի անդամ պետությունների նստաշրջանից առաջ:
«Երկխոսությունն անհրաժեշտ էր, եւ այն դեռեւս կա: Դա պետք է նախագահի եւ պետության լեգիտիմությանը, այլ ոչ թե պետական հեղաշրջման մասնակիցների եւ ապստամբների ոչ լեգիտիմությանը վերաբերող երկխոսություն լինի»,- նախարարի խոսքերն է մեջբերում Gazeta-ն:
Ավելի վաղ հաղորդվում էր, որ հուսիների զինված կազմավորումները հարձակվել են Սաուդյան Արաբիայի զորքերի դիրքերի վրա: