News
Լրահոս
News
Ուրբաթ
Մարտ 29
Տեսնել լրահոսը

Վերջերս հրապարակված պաշտոնական տվյալների համաձայն, անցյալ տարի Հայաստանում խաղողի այգիների ընդհանուր մակերեսը, նախորդ տարիների համեմատ, կրճատվել է 250 հեկտարով կամ 1.4%-ով: Սակայն աճել է բերքատու տարիքում ծառերի տունկը. 258 հեկտարով կամ 1.6%-ով:

Արդյունքում խաղողի այգիների տնկման ընդհանուր մակերեսում վերջինների մասնաբաժինն ավելացել է ավելի քան 2.8 տոկոսային կետով՝ հասնելով գրեթե 95%-ի: Միաժամանակ, եթե հավատանք վիճակագրությանը, աճել է խաղողի բերքատվությունը. միջինը 1 հեկտարից 149.8 ցենտներից հասնելով 157.7-ի:

Այդպիսի ձեռքբերումների շնորհիվ բերքահավաքն անցյալ տարի հասել է 261.3 հազար տոննայի, ինչը 20.5 հազար տոննայով (կամ 8.5%-ով) գերազանցել է նախորդ տարիների ցուցանիշը:

Ի տարբերություն գյուղատնտեսական մի շարք մթերքների, խաղողի ապրանքայնության մակարդակը համեմատաբար բարձր է: 2013 թվականի տվյալների համաձայն, խաղողի ընդհանուր ռեսուրսներից երկրում միջինը վաճառվել է (առանց փոխանակման) 76.5%-ը: Այս ցուցանիշի ամենամեծ մակարդակը գրանցվել է Վայոց Ձորի (գրեթե 86%) եւ Արարատի (ավելի քան 83%) մարզերում:

Հետաքրքիր է, որ այգեկութի ընդհանուր ծավալում Վայոց Ձորի մասնաբաժինը բավական աննշան է՝ 2.0%: Համեմատության համար նշենք, որ Արարատի տեսակարար կշիռը կազմել է գրեթե 43%: Սակայն Վայոց Ձորում տեղական եզակի խաղողի տեսակ՝ Արենի են աճեցնում, որից նույնանուն գինին են պատրաստում: Հիշեցնենք, որ Վայոց Ձորի մարզի Արենի գյուղի մոտակայքի քարանձավում հնագետներն աշխարհի հնագույն գինու «գործարանն» են հայտնաբերել:

Խորհրդային տարիներին Հայաստանում արտադրված գինու եւ կոնյակի ընդհանուր ծավալի շուրջ մեկ քառորդը մնում էր ներքին շուկայում, իսկ երեք քառորդն արտահանվում էր խորհրդային այլ հանրապետություններ, հիմնականում՝ Ռուսաստան: Անցյալ տարվա տվյալներով, մեր երկրում արտադրված կոնյակի արտահանումը կազմել է գրեթե 97%, գինունը՝ շուրջ 35%: Ներկայում կոնյակի սպառման առումով անբարենպաստ շարժեր են նկատվում, որոնք կապված են Ռուսաստանի տնտեսական ճգնաժամի հետ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Իրավունք». Ո՞ր դեղերը չեն մտնի էլեկտրոնային դեղատոմսերով վաճառվողների ցանկ
ՀՀ առողջապահության նախարարության Դեղորայքային քաղաքականության եւ բժշկական տեխնոլոգիաների...
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը
«Հայփոստ»-ի գլխավոր գործադիր տնօրեն Արայիկ Աբրահամյանը խոսել է կատարված աշխատանքների, ֆինանսական և որակական ցուցանիշների...  
Այս պահին ԵԱՏՄ անդամ ենք, զուգահեռաբար ԵՄ և այլ շուկաների ինտեգրման ուղղությամբ ենք աշխատում. Թունյան
Քննարկումներ միշտ լինում են, Հայաստանը հաշվի է առնում բոլոր օգուտներն ու…
Դոլարի փոխարժեքը նվազել է. եվրոն նույնպես շարունակում է էժանանալ. Ռուբլին կայուն է
ԱՄՆ դոլարի փոխարժեքն այսօր՝ մարտի 28-ին, կազմել է…
«Այրում» գինիում գտել են սինթետիկ ներկանյութ ազորուբին. ՍԱՏՄ-ն Բելառուսից նամակ է ստացել
ՀՀ սննդամթերքի անվտանգության տեսչական մարմինն այսօր ստացել է Բելառուսի…
Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունները
Էկոնոմիկայի նախարար Գևորգ Պապոյանը մարտի 27-ին ընդունել է Հարավային...
Ամենաշատ