LiveLeak կայքում ձայնագրություն է հայտնվել, որը, ենթադրաբար, մարտի 24-ին Ֆրանսիայում Germanwings ավիաընկերության կործանված Airbus A-320-ի վերջին րոպեներից է: Առաջին տասը վայրկյանների ընթացքում ձայնագրությունում ճիչեր եւ հաճախակի խուլ հարվածներ են լսվում:
Մարտի 27-ի առավոտյան լրատվամիջոցները հայտարարեցին, որ օդանավի կործանումից կարճ ժամանակ առաջ հրամանատարը փորձել է կոտրել օդաչուական խցիկի դուռը:
Ըստ Lenta-ի, երկրորդ օդաչու Անդրեաս Լյուբիցի տան խուզարկության ժամանակ, որին կասկածում են ինքնաթիռը կանխամտածված կործանելու մեջ, քննիչները 4U9525 չվերթի ամսաթվով հիվանդության պատճառով արձակուրդի մասին պատռված տեղեկանք են հայտնաբերել:
Դյուսելդորֆի գլխավոր դատախազ Ռալֆ Գերենբրյուքի խոսքով, օդաչուի բնակարանում ո՛չ հրաժեշտի նամակ, ո՛չ նրա գործողությունների քաղաքական կամ կրոնական շարժառիթների որեւէ ապացույց չեն գտել: