Խորեն Հովհաննիսյանի 60-ամյա հոբելյանին նվիրված խաղի կազմակերպիչները հաստատել են տեղեկությունն այն մասին, որ Չեխիայի հավաքականի նախկին ֆուտբոլիստ Պատրիկ Բերգերը Հայաստան չի եկել այն պատճառով, քանի որ կործանված ինքնաթիռով պետք է Բարսելոնայից Դյուսելդորֆ թռչեր:

Նշենք, որ մարտի 27-ին Բերգերը Twitter-ի իր էջում հերքել է այդ տեղեկությունը՝ գրելով, որ «մեկնաբանություններն այն մասին, որ ինքը փոխել է ինքնաթիռը, սուտ են»: «Ես Բարսելոնայից Պրահա եմ ուղեւորվել, ինչպես պատրաստվում էի»,- գրել է Բերգերը:

Եթե Դուք սիրում եք ֆուտբոլ, ապա ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ  MasterCard UEFA Champions League Քարտը հենց Ձեզ համար է:

 MasterCard UEFA Champions League Քարտով կատարված գործառնությունների դիմաց քարտապանը կստանա UEFA ապրանքանիշը կրող պարգևատրում` ընտրելով այն www.uefa.com կայքի օնլայնխանութից` առանց որևէ լրացուցիչ ծախսերի:

Իսկ 2015թ մարտի 9-ից առաջին 1,000 MasterCard UEFA Champions League Քարտապան դարձած հաճախորդները կստանանՉեմպիոնների լիգայի և MasterCard-ի տարբերանշաններով մրցանակներ:

Մանրամասներին ծանոթացեք այստեղ:

NEWS.am-ի թղթակիցը կապ հաստատեց միջոցառման հովանավորի՝ գործարար Արթուր Սողոմոնյանի հետ: Վերջինը հաստատեց, որ Բերգերի գործակալը հայտարարել է, որ ֆուտբոլիստը չի մասնակցի նախատեսված խաղին, քանի որ ցնցված է այն պատճառով, որ պետք է թռչեր այդ ինքնաթիռով: «Ամենայն հավանականությամբ, նա հերքել է այդ տեղեկությունը՝ վախենալով աղմուկից»,- հայտարարեց Սողոմոնյանը:

Ավելի վաղ հաղորդվում էր, որ մարտի 24-ին Բերգերը պետք է ֆրանսիական Ալպերում կործանված ինքնաթիռով Բարսելոնային Դյուսելդորֆ թռչեր: Վերջին պահին նա փոխել է միտքն ու հետ վերադարձրել տոմսը:

Հիշեցնենք, որ Խորեն Հովհաննիսյանի 60-ամյակին նվիրված խաղը կայանալու է մարտի 28-ին Երեւանի Հանրապետական ստադիոնում: Մրցելու են ԽՍՀՄ-ի եւ աշխարհի հավաքականները:

Վերա Մարտիրոսյան / Vera&Football