Թուրքիայի վարչապետի գլխավոր խորհրդական Էթյեն Մահչուփյանի՝ «Ես որպես հայ իրականում ինձ ավելի շատ օսմանցի եմ զգում» խոսքին խիստ է արձագանքել ստամբուլահայ հայտնի ռոք երգիչ Հայկո Ջեփքինը։

Հայկո Ջեփքինը Twitter-ի իր էջում արել է հետեւյալ գրառումը. «Ռեջեփ Թայիփ Էրդողանը «կներեք ինձ նույնիսկ հայ են ասել» խոսքերը, հավանաբար, ասել է նկատի ունենալով Մահչուփյանին։ Եթե օրինակը Մահչուփյանն է, կլինի օգտագործել, բայց ինձ վրա այն չի տարածվի երբեք»։

Նշենք, որ Թուրքիայի վարչապետի հայ խորհրդական Էթյեն Մահչուփյանը ասել էր հետեւյալը. «Որպես հայ իրականում ես ավելի շատ օսմանցի եմ ինձ զգում։ Օսմանյան կայսրության եւ ավելի վաղ՝ բյուզանդական ժամանակաշրջանից այս հողերում ենք ապրում եւ ստեղծել ենք մեր մշակույթը։ Իմ կարծիքով արժեքավորը սա է»,-ասել է Էթյեն Մահչուփյանը։