Միջազգային վարկանիշային Fitch գործակալությունը Հունաստանի էմիտենտի դեֆոլտի երկարաժամկետ վարկանիշը B-ից իջեցրել CCC-ի:
Գործակալության պաշտոնական հայտարարության մեջ որպես որոշման պատճառ նշել են շուկաներին հասանելիության բացակայությունը, բանկային հատվածում լիկվիդայնության խնդիրները: Fitch-ում ընդգծել են, որ հունական տնտեսության աճի կանխատեսումը հունվարին 1.5%-ից իջեցվել է 0.5%-ի:
Միաժամանակ, գործակալությունում կարծում են, որ երկրի կառավարությունը, ամեն դեպքում, կարող է փոխզիջման հասնել վարկատուների հետ, սակայն բանակցություններում առայժմ շատ դանդաղ առաջընթաց է արձանագրվում:
Բացի այդ, արդեն մոտ ապագայում հունական կառավարությունը պետք է եվրոպացի պաշտոնյաներին բարեփոխումների ծրագիր ներկայացնի: Fitch-ում ենթադրում են, որ Բրյուսելում կցանկանան խոստումների գործնական իրականացում տեսնել: