Իրանն ու միջազգային միջնորդների «վեցնյակը» (ԱՄՆ, Ֆրանսիա, ՌԴ, Չինաստան, Մեծ Բրիտանիա եւ Գերմանիա) մոտ են Իրանի միջուկային ծրագրի շուրջ 2-3-էջանոց շրջանակային համաձայնագրի ստորագրմանը: Այս մասին հաղորդում է Reuters-ըւ՝ վկայակոչելով բանակցություններին մոտ կանգնած աղբյուրները:
«Կողմերը շատ-շատ մոտ են վերջնական քայլին, եւ այն (համաձայնագիրը) կարող է ստորագրվել ու հրապարակվել»,-ասել է աղբյուրը:
Այլ աղբյուրների տվյալներով՝ բանակցությունների մասնակիցները թեժ քննարկում են համաձայնագրի առանցքային դետալները, բայց նրա ապագան դեռ որոշված չէ, իսկ բանակցությունները դեռ կարող են խափանվել, հաղորդում է «ՌԻԱ նովոստին»:
Շվեյցարիայի Լոզան քաղաքում մարտի 26-ին սկսվել է Իրանի եւ «վեցնյակի» միջեւ բանակցությունների հերթական փուլը:
Իրանի ԱԳ փոխնախարար Համիդ Բայադինեժադը նախօրեին հայտարարել է լրագրողներին, որ Իրանը եւ «վեցնյակը» կարողացել է մի շարք բարդ խնդիրների լուծումներ գտնել, սակայն դեռեւս մնում են չլուծված հարցեր, որոնց կողմերը փորձում են փոխընդունելի պատասխաններ գտնել: