Իսրայելական իշխանությունները համաձայնել են Պաղեստինին փոխանցել ավելի քան 400 մլն դոլարի չափով հարկերը, որը պահում էին՝ միջազգային հարթակներում միակողմանի գործողությունների համար պաղեստինցիներին պատժելու նպատակով:
Վարչապետ Բենիամին Նեթանյահուն հաստատել է երկրի պաշտպանության նախարարի, Պաշտպանության բանակի եւ Իսրայելի անվտանգության ընդհանուր ծառայության առաջարկը՝ Պաղեստինյան վարչակազմին վերջին ամիսների հարկային հավաքագրումները փոխանցելու մասին: Այս մասին ասված է կառավարության ղեկավարի աշխատակազմի հայտարարությունում:
Պաղեստինի եկամուտների հիմնական հոդվածներից մեկը հանդիսացող միջոցները սառեցվել էին՝ հիմնավորելով Իսրայելի ընդհանուր շահերով եւ մարդասիրական նկատառումներով:
Ըստ «Ռոսբալտ»-ի, անցյալ տարվա ապրիլին Իսրայելի իշխանությունները քաղաքական եւ տնտեսական պատժամիջոցներ էին սահմանել Պաղեստինի ազգային վարչակազմի դեմ՝ ի պատասխան վարչակազմի ղեկավար Մահմուդ Աբբասի գործողությունների: