Մարտի 27-ին Կալիֆորնիայի հարավային Մենիֆի քաղաքում դպրոցի բակում հրավառության պարագաների պայթյունի հետեւանքով 18 դպրոցական է տուժել: 5 հոգի տեղափոխվել է հիվանդանոց, մյուսները թեթեւ վնասվածք են ստացել:
Աշակերտներից մեկը դրանք վառել է եւ նետել դպրոցի բակի կենտրոնում գտնվող տակառի մեջ: Արդյունքում ուժեղ պայթյուն է որոտացել, ինչի հետեւանքով տուժել են մոտակայքում գտնվող դպրոցականները: Այս մասին գրում է ՏԱՍՍ-ը:
CBS հեռուստաալիքի փոխանցմամբ, ականատեսները նշել են, որ պայթյունն այնքան հզոր է եղել, որ շատերը կարծել են, թե ռումբ է գործի դրվել: Դպրոցի շենքում գտնվողներին տարհանել են: