Նյու Յորքի կենտրոնում երեք շենքի փլուզման եւ հրդեհի հետեւանքով 22 մարդ է տուժել, 4-ը ծայրահեղ ծանր վիճակում են: Այս մասին մամուլի ասուլիսի ժամանակ հայտարարել է քաղաքապետ Բիլլա դե Բլազիոն: Բացի այդ, երկու մարդ անհետ կորած է համարվում: Ավելի վաղ հաղորդվում էր 19 տուժածի մասին:
Քաղաքապետն ընդգծել է, որ զոհերի մասին տեղեկություններ չկան: Տուժածներից 18-ի վիճակը կայուն է, նրանց կյանքին վտանգ չի սպառնում:
ՌԻԱ Նովոստիի փոխանցմամբ, քաղաքային իշխանությունները նաեւ հաղորդել են, որ ժամանակավոր կացարան կտրամադրեն շենքերի փլուզման հետեւանքով անօթեւան մնացածներին:
Ներկայում տեղի ունեցածի պատճառների հետաքննություն է անցկացվում: Վերջին տվյալների համաձայն, երեք շինություն փլուզվել ու եւս մեկը լրջորեն վնասվել է հրդերի արդյունքում, որը բռնկվել է մարտի 26-ին Նյու Յորքի Իսթ-Վիլիջ շրջանի շենքերից մեկում գազի պայթյունի հետեւանքով: