Հայոց ցեղասպանության 100-րդ տարելիցի առիթով կազմակերպվող մշակութային միջոցառումների շրջանակում մարտի 27-ին ֆրանսիական Բուր Լը Վալանսի քաղաքապետարանում ցուցահանդես է բացվել, որը կտեւի մինչեւ ապրիլի 10-ը: Այս մասին գրում է «Nouvelles d'Arménie» պարբերականը:
«Diaspo'arts» կոլեկտիվի կազմակերպած ցուցահանդեսում ներկայացված են շուրջ մեկ տասնյակ հայ նկարիչների՝ ժամանակակից արվեստի ոճով աշխատանքներ, որոնց ստեղծագործությունները ցուցադրվում են Ֆրանսիայում եւ արտերկրում:
Ցուցահանդեսի բացմանը մեծ թվով հանդիսատես է մասնակցել, այդ թվում՝ Բուր Լը Վալանսի քաղաքապետ Մառլեն Մուրիեն, պաշտոնատար անձիք, տարածաշրջանի հայկական հասարակական կազմակերպությունների ներկայացուցիչներ: