Մարտի 27-ին, ժամը 18.50-ին, ոստիկանության Երեւան քաղաքի վարչության գրպանահատության դեմ պայքարի բաժանմունքի ծառայողները, գողություն կատարելու կասկածանքով, Երեւանի Պարույր Սեւակի փողոցի թիվ 51/12 հասցեի մոտից ոստիկանության Նոր Նորքի բաժին են բերման ենթարկել 25-ամյա Սերգեյ Հ.-ին:
Ոստիկանության մամուլի ծառայությունից հայտնում են, որ պարզվել է, որ նա նույն օրը, ժամը 16.20-ին, գտնվելով թիվ 31 երթուղային տաքսու մեջ, Նոր Նորքի 1-ին զանգվածում գտնվող Հայկի արձանի մոտակայքում 47-ամյա Աշխեն Հ.-ի պայուսակից գողացել է դրամապանակը, 24.000 դրամ եւ բանկային պլաստիկ քարտեր:
Սերգեյ Հ.-ի խուզարկությամբ գողոնը հայտնաբերվել է:
Կատարվում է հետաքննություն: