Գերմանական Germanwings ավիաընկերությանը պատկանող աղետի ենթարկված Airbus A320 օդանավի զոհերի սգո արարողությունը տեղի կունենա ապրիլի 17-ին, Գերմանիայի Քյոլն քաղաքի տաճարում:
Սպասվում է, որ բացի Գերմանիայի նախագահ Յոահիմ Գաուկից եւ կանցլեր Անգելա Մերկելից, արարողությանը ներկա կլինեն այն երկրների ներկայացուցիչները, որոնց քաղաքացիները զոհվել են այդ ավիավթարից: Այս մասին հայտնել է Գերմանիայի Հյուսիսային Ռեյն-Վեստֆալի կառավարության մամուլի քարտուղարը:
Հիշեցնենք, որ Բարսելոնայից Դյուսելդորֆ թռչող Airbus A-320 օդանավը կործանվել է մարտի 24-ին, ֆրանսիական Ալպերում: Օդանավում եղել է 150 մարդ, որոնք բոլորը մահացել են:
Նրանցից 69-ը Գերմանիայի քաղաքացի էին, 45-ը՝ Իսպանիայի, կայնի նաեւ ԱՄՆ-ի, Ավստրալիայի, Արգենտինայի, Իրանի, վենեսուելայի, Կոլումբիայի, Մեքսիկայի, Ճապոնիայի, Ղազախստանի, Իսրայելի, Դանիայի, Նիդերլանդների եւ Բելգիայի քաղաքացիներ:
Նախնական տվյալներով, աղետի պատճառն այն է, որ երբ անձնակազմի հրամանատարը մի քանի րոպեով դուրս է եկել օդաչուների խցից, երկրորդ օդաչու Անդրեաս Լյուբիցը փակվել է ներսում եւ դիտավորյալ իջեցրել օդանավը: Քննությունը պարզել է, որ վերջինս հոգեկան խնդիրներ է ունեցել, որոնք թաքցրել է ավիաընկերությունից: