Գյումրիի թատերական հրապարակում այսօր` մարտի 28-ին, հանրահավաքի ժամանակ դանակահարված՝ «Հիմնադիր Խարհրդարանի» անդամ Հրաչիկ Միրզոյանին պատրաստում են վիրահատության:
«Հիմնադիր խորհրդարանի» անդամ Վարդան Հակոբյանը, որը Գյումրու բժշկական կենտրոնում այցելել է Հրաչիկ Միրզոյանին, NEWS.am-ի թղթակցին պատմեց, որ նա ներքին արյունահոսություն ունի և նրան վիրահատության են պատրաստում:
«Ոսկորների արանքով դանակն անցել ու վնասել է որևէ օրգան, բայց դեռ պարզ չէ, թե որ: Դրա հետևանքով ներքին արյունահոսություն ունի»,-ասաց Վարդան Հակոբյանը:
Նշենք, որ Գյումրիի թատերական հրապարակում, այսօր` մարտի 28-ի, «Հիմնադիր խորհրդարանի» հրավիրած հանրահավաքի ժամանակ միջադեպ է տեղի ունեցել. մի խումբ երիտասարդներ ձվեր են նետել հանրահավաքի մասնակիցների ուղղությամբ, անհայտ անձը դանակահարել է «Հիմնադիր խորհրդարանի» անդամներից Հրաչ Միրզոյանին։ «Հիմնադիր խորհրդարանը» Երեւանից մեկնել էր Գյումրի «Հարյուրամյակն առանց ռեժիմի» շարժման մասին իրազեկման հանրահավաք անցկացնելու։