Իտալացի ֆուտբոլիստ, հնդկական «Չեննայ տիտանս» ակումբի պաշտպան, Իտալիայի հավաքականի նախկին խաղացող, աշխարհի չեմպիոն, Իտալիայի հնգակի չեմպիոն, Իտալիայի Գավաթի եռակի գավաթակիր Մարկո Մատերացցին, ով Երեւանում է Խորեն Հովհաննիսյանի 60-ամյակին նվիրված ընկերական խաղին մասնակցելու նպատակով, NEWS.am-ին տված հարցազրույցում պատմել է իր նպատակների, սիրելի ֆուտբոլիստների եւ բիզնես գործունեության մասին (ֆոտոռեպորտաժ):
Ինչո՞վ եք զբաղվում ֆուտբոլային կարիերայի ավարտից հետո:
Ես սպորտային խանութների ցանց եմ բացել: Անցյալ տարի ես Պրեմիեր լիգայում Հնդկաստանին էի մարզում: Հաջորդ տարի նույնպես պատրաստվում եմ որպես մարզիչ վերադառնալ այնտեղ:
Որպես ֆուտբոլիստ՝ հավանաբար ֆուտբոլային երազանք եք ունեցել: Հիմա՝ ֆուտբոլային կարիերայի ավարտից հետո, ֆուտբոլային նպատակներ ունե՞ք:
Նախ ցանկանում եմ ասել, որ շատ ուրախ եմ, որ վերջապես կարող եմ զբաղվել իմ ընտանիքով եւ լիարժեք հայր լինել: Ինչ վերաբերում է կարիերայում երազանքին կամ նպատակներին, ապա դա հաջողակ մարզիչ դառնալն է:
Եթե Դուք սիրում եք ֆուտբոլ, ապա ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ MasterCard UEFA Champions League Քարտը հենց Ձեզ համար է:
MasterCard UEFA Champions League Քարտով կատարված գործառնությունների դիմաց քարտապանը կստանա UEFA ապրանքանիշը կրող պարգևատրում` ընտրելով այն www.uefa.com կայքի օնլայնխանութից` առանց որևէ լրացուցիչ ծախսերի:
Իսկ 2015թ մարտի 9-ից առաջին 1,000 MasterCard UEFA Champions League Քարտապան դարձած հաճախորդները կստանանՉեմպիոնների լիգայի և MasterCard-ի տարբերանշաններով մրցանակներ:
Մանրամասներին ծանոթացեք այստեղ:
Հետ հայացք նետելով, կարո՞ղ եք հիշել, թե որոնք էին Ձեր ֆուտբոլային կարիերայում լավագույն պահերը:
Աշխարհի առաջնությունում հաղթանակը:
Ներկա սերնդից ո՞ւմ եք լավագույն ֆուտբոլիստ համարում:
Լիոնել Մեսսիին, Նեյմարին, Քրիշտիանու Ռոնալդուին:
Ինչպե՞ս ընդունեցիք Երեւան այցելելու հրավերը եւ ի՞նչ գիտեիք Հայաստանի մասին մինչեւ այս այցելությունը:
Երբ ինձ հրավիրեցին պարոն Հովհաննիսյանի հոբելյանին, ես ուրախությամբ համաձայնեցի: Հույս ունեմ, որ բոլորին դուր կգա, եւ լավ խաղ կլինի:
Սակայն աշխարհի հավաքականի կազմը շատ ավելի քիչ է Խորհրդային միության հավաքականից: Ինչպիսի՞ն է լինելու դիմակայությունը:
Ամենակարեւորը ոչ թե արդյունքն է, այլ այն, որ ժողովուրդը հաճույք ստանա, որպեսզի մարդիկ կարողանան տեսնել ֆուտբոլային աստղերին, որոնք մասնակցելու են այս խաղին:
Հաճա՞խ եք մասնակցում նման միջոցառումների:
Այո, սա առաջին անգամը չէ: Ինձ դուր է գալիս հանդիպել նախկին հակառակորդների հետ, որոնց հետ բազմաթիվ տարիներ խաղացել ենք մարզադաշտում: Հիմա, ընդհակառակը, բոլորս կարող ենք ընկերություն անել եւ միասին լինել:
Վերա Մարտիրոսյան
Լուսանկարները՝ Արսեն Սարգսյանի/NEWS.am