Առաջիկա ամիսներին հարկավոր է ղարաբաղյան հակամարտության հարցում խորհրդանշական քայլերի հույս ունենալ: Այս մասին մարտի 28-ին Երեւանում Հայաստանի Ազգային ժողովի արտաքին հարաբերությունների հանձնաժողովի հետ համատեղ նիստում հայտարարեց ՌԴ Պետդումայի ԱՊՀ հարցերի, եվրասիական ինտեգրման եւ հայրենակիցների հետ կապերի հանձնաժողովի նախագահ Լեոնիդ Սլուցկին:
2015 թվականի երեք ամիսների ընթացքում հակամարտության արդյունքում գրեթե նույնքան մարդ է զոհվել, որքան ամբողջ անցյալ տարվա ընթացքում: Ռուսաստանցի պատգամավորի խոսքով, չի կարելի մտածել անգամ կարմիր գիծն անցնելը թույլ տալու մասին, որի դեպքում սարսափելի կաճեն ագրեսիան եւ զոհերի թիվը:
«Այդ պատճառով ղարաբաղյան հակամարտության կարգավորման պատասխանատվությունն ընկած է մեր սերնդի քաղաքական գործիչների ուսերին: Ավելին, անհրաժեշտ է հարցը լուծել մոտ ապագայում: Մենք հետխորհրդային տարածաշրջանի ամենահին հակամարտության հետ գործ ունենք: Եվ այսօր մենք արդեն բավականաչափ հասուն եւ գիտակ քաղաքական գործիչներ ենք, որպեսզի կարողանանք արդյունավետորեն համագործակցություն հաստատել եւ ղարաբաղյան ճգնաժամից ելքեր գտնենք»,- հայտարարեց պատգամավորը:
