ՌԴ մայրաքաղաք Մոսկվայում ալկոհոլի ազդեցության տակ գտնվող 5 անհայտ անձ տրավմատիկ զենքից կրակ են արձակել սրճարաններից մեկի աշխատակիցների ուղղությամբ այն բանից հետո, երբ վերջիններս նրանց ներս չեն թողել: Ինչպես գրում է «ՌԻԱ Նովոստի»-ն, վիրավորվել են սրճարանի ադմինիստրատորն ու 2 այցելու:
Միջադեպը տեղի է ունեցել շաբաթ օրը Միկլուխո- Մակլայի փողոցի վրա գտնվող սրճարաններից մեկում: «Սրճարանի ադմինիստրատորները հրաժարվել են ներս թողնել սպորտային համազգեստ հագած 5 տղամարդկանց, որից հետո նրանց մեջ վեճ էր բռնկվել»,- գործակալությանը հայտնել են ՌԴ ՆԳՆ մայրաքաղաքային վարչությունից:
Վիրավորված այցելուները հոսպիտալացվել են, իսկ ադմինիստրատորին առաջին բուժօգնություն են ցուցաբերել եւ բաց թողել:
