ԱՄՆ Վաշինգտոն նահանգում փողոցային հրաձգության հետեւանքով զոհվել է 2 տարեկան մի երեխա եւ 29-ամյա մի կին: Այս մասին գրում է Fox News-ը:
Միջադեպը տեղի էր ունեցել մարտի 28-ին՝ տեղական ժամանակով ժամը 2:00-ին: Փամփուշտը երեխային էր դիպել այն պահին, երբ մայրը նրան օրորելիս է եղել: Երկրորդ կրակոցով սպանվել էր կնոջ հարեւանուհին: Երեխայի մայրը չի տուժել: Կա եւս մեկ վիրավոր: Անհայտ չարագործը կրակ է արձակել նաեւ հարեւան տների ուղղությամբ, գրում է Gazeta-ն:
Սպանված կնոջ անունն է Հիզեր Քելսո: Քադեն Լում անունով երեխան մոր հետ բնակվում էր Քելսոյի մոտ 3 շաբաթ: