Թեթեւ շարժիչանի ինքնթաիռով Երկիր մոլորակը 20 ամսվա ընթացքում շրջանցելու փորձ կատարած շվեյցարացի օդաչուն մարտի 28-ին վթարի է ենթարկվել Էկվադորի կենտրոնական հատվածում: Այս մասին գրում է Agence France-Presse-ը:
62-ամյա Էրիկ Գիլլուն վթարի էր ենթարկվել Լատակունգայի օդնավակայանից օդ բարձրանալուց հետո: Նրա ինքանթիռը բախվել էր Կոտոպակսի հրաբխի լանջերին:
Գիլլուն իր օդանավով անցել էր Եվրոպայի եւ Աֆրիկայի մի շարք երկրներով: Հարավային Ամերիկայում նա թռիչքներ էր իրականացրել Պերուում, Բոլիվիայում, Չիլիում, Արգենտինայում եւ Բրազիլիայում, գրում է Gazeta-ն:
Ճանապարհորդը որոշել էր շուրջերկրյա ճանապարհորդություն կատարել ավիավթարում զոհված ընկերոջ հիշատակին: Թռիչքներից ստացվող հասույթը Գիլլուն տրամադրում էր բարեգործության:
