Ահաբեկչական «Իսլամական պետություն» խմբավորումն զգալիորեն համալրել է իր շարքերն այն բանից հետո, երբ դաշնակիցների կոալիցիան՝ ԱՄՆ-ի գլխավորությամբ, սկսել է ավիահարվածներ հասցնել գրոհայինների դիրքերին: Ինչպես հաղորդում է «ՌԻԱ նովոստին», այս մասին հայտարարել է Սիրիայի նախագահ Բաշար Ասադը՝ «CBS» հեռուստաալիքին տված հարցազրույցում:
Նրա խոսքով՝ երբեմն կարելի է տեղային նշանակության օգուտ ստանալ , բայց խոսելով ընդահանուր իրավիճակի մասին, ստիպված ենք արձանագրել, որ ավիահարվածներից հետո ԻՊ-ն աճել է, եւ որոշ գնահատականներով, «Իսլամական պետության» անդամների թվաքանակը Սիրիայում աճում է ամսական մոտ հազարով:
Ասադը նշել է, որ նման խնդրի բախվում են նաեւ Իրաքի եւ Լիբիայի իշխանությունները, որտեղ «Իսլամական պետությունը» վերահսկում է զգալի տարածքներ, հատկապես այն բանից հետո, երբ այլ իսլամիստական արմատական խմբավորումներ հավատարմություն են հայտնել ԻՊ-ին:
