Մարտի 30-ին Երեւանում կկայանա «Եվրասիական տնտեսական միության շուկան առանց արգելքների» խորագրով քննարկումը, որտեղ Եվրասիական տնտեսական հանձնաժողովի ներկայացուցիչները կներկայացնեն ԵՏՄ անդամ երկրների միջեւ սահմանափակումների եւ խոչընդոտների վերացման, փոխադարձ առեւտրի ոլորտում արգելքների հաղթահարման նպատակով տարվող աշխատանքները ու կպատասխանեն Հայաստանի բիզնես ընկերության հարցերին։ Այս մասին գրում է «ՌԻԱ Նովոստի»-ն՝ վկայակոչելով ԵՏՀ մամուլի ծառայությունը։
Խորհրդակցությունը կազմակերպել են Հայաստանի միջազգային տնտեսական ինտեգրման և բարեփոխումների նախարարությունը, Եվրասիական տնտեսական հանձնաժողովը եւ Հայաստանի արդյունաբերողների եւ գործարարների (գործատուների) Միությունը։
Միջոցառմանը կմասնակցեն ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը, ԵՏՀ մակրոտնտեսության ինտեգրման հիմնական ուղղությունների հարցով կոլեգիայի անդամ Տատյանա Վալովայան, ԵՏՀ կոլեգիայի անդամ Կարինե Մինասյանը եւ Հայաստանի գործատուների եւ արդյունաբերողների եւ գործարարների (գործատուների) միության նախագահ Արսեն Ղազարյանը։
Հիշեցնենք, որ Հայաստանը միացել է ԵՏՄ-ին 2015թ. հունվարին։