Ֆրանսիայի հարավում կործանված Airbus-ի զոհերի ընտանիքներին տրվող փոխհատուցման գումարը կարող է կախված լինել զոհերի քաղաքացիությունից, գրում է The New York Times-ը՝ վկայակոչելով փորձագետներին: Չի բացառվում, որ «արտակարգ հանգամանքներից» ելնելով, որոնց հետեւանքով տեղի է ունեցել աղետը, ավիաընկերությունը ստիպված լինի միլիոնավոր դալարներ վճարել զոհերի ընտանիքներին, ասվում է հոդվածում:
Ավիաընկերությունը պատասխանատվություն է կրում իր օդաչուի գործողությունների համար, նշում է պարբերականը եւ հավելում, որ ոչ բոլոր ընտանիքներին կարող է տրվել հավասարաչափ փոխհատուցում:
Թերթը բացատրում է, որ ԱՄՆ երեք քաղաքացիների ընտանինքներն, ամենայն հավանականությամբ, ավելի մեծ գումարներ կստանան, քան այլ ուղեւորներին ընտանիքները, քանի որ ԱՄՆ-ում դատարանները սովորաբար ավելի մեծ փոխհատուցումներ են վճարում նման դեպքերում, քան Եվրոպայում, գրում է Gazeta-ն:
Մոնրեալի կոնվերնցիայի (1999) համաձայն՝ միջազգային չվերթների ժամանակ դժբախտ պատահարի դեպքում ավիափոխադրողները պետք է զոհերի հարազատներին վճարեն 170 հազարական դոլար յուրաքանչյուր անձի համար: Բայց քանի որ այս դեպքում օդաչուն դիտավորյալ է կործանման տարել օդանավը, զոհերի հարազատները կարող են ավելի մեծ փոխհատուցում պահանջել Germanwings ընկերությունից:
Փորձագետների խոսքով՝ ավիաընկերության պարտավորությունն ուղեւորներից ընտանիքների նկատմամբ կարող է հասնել մինչեւ 350 հազար դոլարի: