Հետազոտողները պնդում են, որ Մարսի հասարակածային շրջանի նստվածքի շերտերի ուսումնասիրության արդյունքում կարելի է եզրակացնել, որ ժամանակին կարմիր մոլորակի վրա ջուր է եղել։
Շերտավոր նստվածքը տիպիկ է Մարսի բեւեռային շրջանների համար, որտեղ դրանց առաջացումը պայմանավորված է եղել մոլորակի բեւեռների ցածր ջերմաստիճանով եւ օդում Մարսի հողի մանր մասնիկների առկայությամբ։ Այդ մասնիկները նրանց վրա խտացած եղյամի ազդեցության տակ նստել են եւ ձեւավորել ռելիեֆ, որը կոչվում է շերտավոր նստվածք, գրում է Gazeta-ն։
Գիտնականները ուսումնասիրել են Մարսի հասարակածային շրջանի համանման գոյացությունները եւ եկել են այն եզրակացության, որ այդ ռելիեֆը կարող էր գոյանալ ստորգետնյա ջրերի ազդեցության տակ։ Փոքր բլրակների միջոցով մասնագետները գտնում են այն տեղերը, որտեղից ջուրը դուրս է եկել մակերես, իսկ զառիվայր տեղանքը մատնանշում է այն մասերը, որտեղով որ այդ ջուրը հոսել է։ Հետազոտողները պնդում են, որ ստորգետնյա ջրերը ամենայն հավանականությամբ առանցքային դեր են խաղացել Մարսի շերտավոր նստվածքի ձեւավորման գործում։