Լոս Անջելեսի Skirball հրեական մշակութային կենտրոնում տեղի կունենա Հայոց ցեղասպանության զոհերի հիշատակին նվիրված ցուցահանդես։ Այս մասին այսօր՝ մարտի 30-ին, լրագրողներին հայտնեց Ցեղասպանության ինստիտուտ-թանգարանի տնօրեն Հայկ Դեմոյանը։ Ցուցահանդեսը կկայանա ապրիլի 8-10-ը։
Մյուս ցուցահանդեսը ընթանալու է Մեխիկոյի խոշորագույն թանգարաններից մեկում՝ Memoria y Tolerancia-ում։ Երկու ցուցադրությունների ժամանակ էլ ցուցադրվելու են Ցեղասպանության ինստիտուտ-թանգարանի նյութերը։
«Մոտ ժամանակներս նման ցուցահանդեսներ կկայանան նաեւ Նյու Յորքում եւ Վաշինգտոնում»,- հավելեց Դեմոյանը։ Մենք շատ ուրախ ենք, որ Հայոց ցեղասպանության թեման շարունակում է հուզել Ամերիկա մայրցամաքի հանրությանը։ Այդ պատճառով հնարավորինս կաջակցենք այդ ցուցահանդեսներին»,- նշեց Դեմոյանը։
