Ստամբուլի հայկական «Սուրբ Փրկիչ» հիվանդանոցի հոգաբարձուների խորհրդի նախագահ Պետրոս Շիրինօղլուն հայտարարել է, թե ինքը Թուրքիայից փոխհատուցում չի պահանջում, իր ուզածը հաշտությունն է։
Թուրքական Star պարբերականի հետ զրույցում Պետրոս Շիրինօղլուն պատմել է, թե իր պապը եւս 1915-ին է մահացել, երբ «մարդկանց խաբել են եւ ստիպել եղբայրն սպանի եղբորը»։
«Ես փոխհատուցում չեմ ուզում, ես միայն խաղաղություն եմ ուզում։ Ես դեմ եմ, որ 1915-ը այսքան երկարացնում են։ Պետք է այդ հարցին վերջ դրվի։ Շատ կարեւոր էր Էրդողանի այն հայտարարությունը, որ Թուրքիայի արխիվները բաց են։ Թող պատմաբանները միջամտեն։ Թող Թուրքիայի եւ Հայաստանի սահմանները բացվեն։ Այդ դեպքում եկամուտն ավելի շատ կլինի քան փոխհատուցումից։
Ստամբուլում մեծ թվով հայաստանցիներ են անօրինական աշխատում։ Ես նրանց հարցով խոսել եմ Էրդողանի հետ, իսկ վերջինս խոստացել լուծել նրանց խնդիրները։ Հիմա Քումքափը թաղամսում հայաստանցիների երեխաների համար դպրոց կա, որտեղ ,մոտ 200 աշակերտ են սովորում։ Այլ վայրերում էլ փոքր դպրոցներ կան»,-ասել է Պետրոս Շիրինօղլուն։