Ցեղասպանության ինստիտուտ-թանգարանը պատրաստ է Թուրքիայում ցուցահանդես կազմակերպել Օսմանյան բանակի հայ զինվորականների մասին։ Այս մասին լրագրողներին մարտի 30-ին հայտնել է Ցեղասպանության ինստիտուտ-թանգարանի տնօրեն Հայկ Դեմոյանը։ Ցուցահանդեսը կկրի «Ծառայություն եւ ոչնչացում» անվանումը։
Թուրքիայում անցկացվող մեկ այլ հնարավոր ցուցահանդես կարող է լինել «Հայկական երիտասարդական սպորտային կազմակերպությունները Օսմանյան կայսրությունում» թեմայով ցուցադրությունը, որի նյութերը կտրամադրի ինստիտուտը։ Անցյալ տարի թանգարանը բանակցություններ էր վարում Ստամբուլի առաջադեմ հասարակական զանգվածների հետ։ «Մենք պատրաստ ենք ցուցահանդես կազմակերպել առաջին իսկ հնարավորության դեպքում, հենց որ իմանանք, որ մեզ կտրամադրեն սրահ եւ անվտանգության երաշխիքներ»,- նշել է Ցեղասպանության ինստիտուտի տնօրենը։