Եվրասիական տնտեսական միության երկրների ներդրողներին հրապուրում է Հայաստանի եւ ԵՄ-ի միջեւ առեւտրային արտոնությունների ռեժիմը(GSP+)-ը։ Այս մասին մարտի 30-ին Երեւանում «Եվրասիական տնտեսական միության շուկան առանց խոչընդոտների» խորագրով քննարկման ժամանակ լրագրողներին հայտնեց ՀՀ փոխվարչապետ, միջազգային ինտեգրացիայի եւ բարեփոխումների նախարար Վաչե Գաբրիելյանը։
«ԵՏՄ անդամ երկրների համար Հայաստանը հետաքրքրություն է ներկայացնում Եվրոպայի հետ առկա առեւտրային արտոնությունների ռեժիմի պատճառով, ինչը նրանց դրդում է նոր ներդրումային նախագծեր ձեռնարկել եւ ընդլայնել արդեն գործող նախագծերը։ Որպես օրինակ՝ նշեմ «Ռուսալ-Արմենալ» գործարանի հաջող եւ խոշոր ներդրումները»,- հայտարարել է փոխվարչապետը։