Կարմիր խաչի միջազգային կոմիտեի Բաքվի գրասենյակի ներկայացուցիչները մարտի 30-ին այցելել են ադբեջանական կողմն անցած քաղաքացու հետ։ Այդ մասին NEWS.am-ին հայտնել է ԿԽՄԿ Երեւանի գրասենյակի հաղորդակցման ծրագրերի ղեկավար Զառա Ամատունին։

Նրա խոսքով, այցի ընթացքում ընտանեկան բնույթի տեղեկություններ են փոխանակվել։

Հիշեցնենք, որ մարտի 22-ին՝ ժամը 13:50-ի սահմաններում, ՊԲ արեւելյան ուղղությամբ տեղակայված զորամասերիցմեկի մարտական դիրքից, զենք-զինամթերքը թողնելովմարտական հենակետում,  հակառակորդի կողմն է անցելՊԲ զինծառայող, 1991թ. ծնված շարքային-պայմանագրային Անդրանիկ Արարատի Գրիգորյանը: Հաջորդ օրը ադրբեջանական լրատվամիջոցները, խախտելով միջազգային մարդասիրական իրավունքը, տարածել էին նրա հետ «հարցազրույցը» եւ «սահմանն անցնելու» պահը։ ԼՂՀ ՊԲ-ն դա կեղծիք էր որակել։

Բացի Գրիգորյանից, ադրբեջանական գերության մեջ է նաեւ ԼՂՀ քաղաքացի Արսեն Բաղդասարյանը։