Մռութին Ավստրալիայի քարտեզի նմանությամբ բիծ ունեցող կատուն գրավել է Սիդնեյի Թագավորական զատկի շոուի այցելուներին: Այս մասին գրում է The Daily Mail-ը:
Օզ անունով երկարամազ կատուն միջոցառման մասնակիցներից է եղել:
Կատվի տիրուհին՝ Դեբորա Նյուջենթը հայտարարել է, որ Սիդնեյի միջոցառումը Օզի դեբյուտն է եղել: Նրա խոսքով, կենդանին սեւ բծով է ծնվել, բայց այն Ավստրալիայի քարտեզին ոչ անմիջապես է նմանվել:
Ըստ Gazeta-ի, դատելով լուսանկարից՝ քարտեզի կատվային տարբերակում մեկ կարեւոր բան չկա՝ Տասմանիա կղզին: Սակայն դոկտոր Ֆոսեթը պնդում է, որ ուշադիր դիտելու դեպքում Օզի կզակի մոտ կարելի է տեսնել նաեւ Տասմանիան: