«Թուրքական ավիաուղիների»՝ հարկադիր վայրէջք կատարած ինքնաթիռում ռումբի մասին տեղեկությունները չեն հաստատվել։ Այդ մասին հայտնել են ավիաընկերությունից։
«Ստուգումը ցույց է տվել, որ օդանավում ռումբ չկա։ Մեր ուղեւորները կշարունակեն թռիչքը»,- ասվում է ավիաընկերության հաղորդագրության մեջ։
Ինչպես ավելի վաղ հայտնել էր NEWS.am-ը, «Թուրքական ավիաուղիներին» (THY) պատկանող Boing 777-300ER տիպի օդանավը, որն իրականացնում էր Ստամբուլ-Սան Պաուլո չվերթը, արտակարգ վայրէջքի էր պատրաստվում օդանավում ռումբի մասին գրություն հայտնաբերվելուց հետո։
Ստամբուլ-Սան Պաուլո չվերթն իրականացնող THY-ի օդանավի օդաչուների խցիկում հայտնաբերվել էր գրություն, թե օդանավում ռումբ է գտնվում։
Օդաչուները իրավիճակի մասին հայտնել էին ավիացիայի վարչությանը եւ մոտակա քաղաքի ուղղությամբ արտակարգ վայրէջքի պատրաստվել։ Օդանավը իջել էր Կասաբլանկայի օդանավակայանում։
