Google Maps քարտեզագրական ծառայությունը ուղղումներ է մտցրել կործանված Airbus-ի 2-րդ օդաչու Անդրես Լուբիցի տան տեղագրման մեջ, գրում է The Telegraph-ը։ Ըստ առկա տեղեկությունների՝ Լուբիցը ընկերուհու հետ ապրում էր Դյուսելդորֆի իր բնակարանում։ Այժմ Google Street View-ում փողոցի հասցեն գրելիս օգտատերերը տեսնում են ոչ թե շինությունը, որում, ինչպես հաղորդվում էր, բնակվում էր օդաչուն, այլ տան շաղված պատկերը։

Google-ը այս կապակցությամբ ոչ մի մեկնաբանություն դեռ չի տվել։ Պարբերականը հիշեցնում է, որ քարտեզագրական ծառայությունը ավտոմատ կերպով շաղված է ցույց տալիս մարդկանց դեմքերն ու համարանիշերը, սակայն օգտատերերի խնդրանքով հնարավոր է նաեւ ուղղումներ մտցնել այլ առարկաների տեղագրության մեջ, գրում է Gazeta-ն։

Ֆրանսիայի հարավում Germanwings ավիաընկերության ինքնաթիռի կործանումից հետո Լուբիցի մի քանի հարազատներ հեռացրել էին Facebook-ի իրենց էջերը, որպեսզի պահպանեն անձնական կյանքի իրենց իրավունքը։