Չարբախում կրակոցներ են հնչել, հիվանդանոց է տեղափոխել «Երրորդմասցի Լյովիկի» ընկերներից մեկը: NEWS.am-ի թղթակցին ոստիկանությունից փոխանցեցին, որ մարտի 31-ին, ժամը 02.45-ին, հիվանդանոցից ոստիկանության Շենգավիթի բաժնում հաղորդում է ստացվել, որ «որովայնի շրջանի հրազենային վնասվածքով» բուժօգնության է տեղափոխվել 36-ամյա Վարդան Կարապետյանը: Նա ըստ բժշկի տեղեկանքի, ի վիճակի չի եղել հաղորդում տալու: Պարզվել է, որ նա հիվանդանոց է տեղափոխվել իրենց տան մոտից: Կատարվում է քննություն:
Նշենք, որ aysor.am-ի տեղեկություններով՝ մարտի 31-ի գիշերը Չարբախում կրակոցներ են հնչել, որի ժամանակ վիրավորվել է Երրորդմասցի Լյովիկի ընկեր ոմն Վարդանը: