Հիվանդանոցից ոստիկանության Կոտայքի բաժնում մարտի 29-ին, ժամը 21.20-ին հաղորդում էր ստացվել, որ «կրծքավանդակի ձախ կեսի եւ ձախ բազուկի կտրած ծակած վերք» ախտորոշմամբ բուժօգնության է դիմել 21-ամյա Արտաշես Կ.-ն:
Ոստիկանության մամուլի ծառայությունից հայտնում են, որ ըստ հիվանդի հարազատի հայտարարության, Ջրվեժի Ձորաղբյուրի ամառանոցում տեղի է ունեցել դանակահարություն, որից հետո նույն օրը, ժամը 21.40-ին, հիվանդանոցից հաղորդում է ստացվել, որ «պարանոցի կտրած վերք, ալկոհոլային հարբածություն» ախտորոշմամբ բուժօգնության էր դիմել 25-ամյա Սերգեյ Ա.-ն, ով հայտնել է, որ նշված վնասվածքը ստացել է Ձորաղբյուրի զոնտիկների մոտ` ապակու վրա վայր ընկնելու հետեւանքով:
Ձեռնարկված օպերատիվ-հետախուզական միջոցառումների շնորհիվ պարզվել է, որ մարտի 29-ին, ժամը 21.00-ի սահմաններում, վիճաբանության ժամանակ, 29-ամյա Արման Դ.-ն ծալովի դանակով հարվածել է Արտաշես Կ.-ին եւ Սերգեյ Ա.-ին` պատճառելով վնասվածքները:
Մարտի 30-ին, ժամը 02.00-ին, Արման Դ.-ն ներկայացել է ոստիկանության Գառնիի բաժանմունք եւ տվել խոստովանական բացատրություն:
