ԲՀԿ-ն միասնական թիմ է, որտեղ չկան աստղեր ու շարքային խաղացողներ: Այս մասին, այսօր՝ մարտի 31-ին, լրագրողների հետ հանդիպման ժամանակ նշել է ԲՀԿ խմբակցության պատգամավոր Միքայել Մելքումյանը՝ պատասխանելով հարցին, թե փետրվարյան իրադարձություններից հետո ինչ դիրք ունի ԲՀԿ-ական պատգամավոր Աբրահամ Մանուկյանը:
«Մենք չունենք կենտրոնական հարձակվողներ կամ հենակետային կիսապաշտպաններ կամ նման այլ բան: Մենք միասին քննարկում ենք ու որոշումներ կայացնում: Աբրահամ Մանուկյանի հետ ոչ մի խնդիր չունենք, մենք մնում ենք կուսակցական ու բարեկամական հարաբերությունների մեջ: Ոչ մի անձնական խնդիր չկա: Ավելին ասեմ՝ դրանք չկան նաեւ այն երեք հետ, որոնք լքել են խմբակցությունը, նաեւ նրանց հետ, որոնք լքել են կուսակցությունը»,-վստահեցրել է Մելքումյանը:
Մարտի 27-ին ԲՀԿ մամուլի քարտուղար Վահան Բաբայանը հայտարարել է, որ ԲՀԿ խմբակցությունում մնացել են 33 պատգամավոր, որոնցից 22-ը կուսակցության անդամներ են: