Երեւան քաղաքի Մարգարյան-Ֆուչիկ խամերուկում տեղակայված գիշերային ակումբի մոտ տեղի ունեցած միջադեպի արդյունքում հիվանդանոց տեղափոխված Էդգարի առողջական վիճակը ծայրահեղ ծանր է: Այս մասին NEWS.am-ի թղթակցի հետ զրույցում ասաց «Արմենիա» հանրապետական կենտրոնի վերակենդանացման բաժանմունքի ղեկավար Սուրեն Մակարյանը
Նա նշեց, որ երիտասարդին վիրահատել են, բայց վիճակը շարունակում է մնալ ծայրահեղ ծանր:
Ավելի վաղ հայտնել էինք, որ Երեւանի քննչական վարչության Աջափնյակ եւ Դավթաշեն վարչական շրջանների քննչական բաժնում հարուցվել է քրեական գործ՝ գիշերային ակումբի մոտ մի երիտասարդի ծանր մարմնական վնասվածք պատճառելու դեպքի առթիվ։ ՀՀ ՔՆնչական կոմիտեից հայտնում են, որ մարտի 30-ի` լույս 31-ի գիշերը ահազանգ է ստացվել, որ ժամը 03-ի սահմաններում «Արմենիա» բժշկական կենտրոն է տեղափոխվել է գոտկային ձախ հատվածում հրազենային վնասվածք ստացած մի երիտասարդ՝ Էդգար անունով: Նախնական տվյալներով՝ դեպքը տեղի է ունեցել Երեւան քաղաքի Մարգարյան-Ֆուչիկ խամերուկում տեղակայված գիշերային ակումբի մոտ: Հարուցվել է քրեական գործ՝ ՀՀ քրեական օրենսգրքի 112-րդ հոդվածի եւ 235-րդ հոդվածի հատկանիշներով, կատարվում է նախաքննություն։ Միջոցներ են ձեռնարկվում պարզելու դեպքի հանգամանքները, առերեւույթ հանցագործություն կատարած անձի ինքնությունը։