Չեխիայում ՆԱՏՕ-ի մշտական բազան երկրին պետք չէ, այն չի բարձրացնում հանրապետության անվտանգությունը։ Այս մասին մարտի 31-ին հայտարարել է Չեխիայի Գլխավոր շտաբի պետ Պետեր Պավելը։
«Չեխիայում ՆԱՏՕ-ի մշտական բազա ստեղծելը չի բարձրացնի հանրապետության անվտանգությունը։ Դաշինքի ուժը նման բազաներում չէ։ Ես ավելի շուտ հավատում եմ շարժողական համակարգերին։ Ավելի լավ է ունենալ շարժունակ ճկուն ուժեր, որոնք կարող են գտնվել որտեղ ասես եւ ոչ թե մշտական բազայում»,- հայտարարել է նա՝ հավելելով, որ չեխական զինվորականների ներգրավումը ՆԱՏՕ-ի արագ արձագանքման ուժերում դաշնակիցների համար պետք է ազդանշան լինի, որ հանրապետությունը պատրաստ է անհրաժեշտության դեպքում օգնության հասնել նրանց, գրում է «ՌԻԱ Նովոստի»-ն։
