Եվրամիության «Արեւելյան գործընկերության» ծրագիրը ստեղծվել է Ռուսաստանի դեմ եւ նրա կամքին հակառակ: Այս մասին առցանց մամուլի-ասուլիսի ժամանակ հայտարարեց Սոցիալիստական կուսակցությունից Մոլդովայի խորհրդարանի պատգամավոր, քաղաքագետ Բոգդան Ցիրդյան՝ պատասխանելով NEWS.am-ի թղթակցի հարցին, թե ինչ պատճառով Եվրամիության «Արեւելյան գործընկերության» ծրագիրը շատ երկրներում չաշխատեց:
«Իսկ որտե՞ղ է աշխատել ծրագիրն աշխատում: Որտե՞ղ են տնտեսական աճը, բարգավաճումը, դինամիկ զարգացումը: Վրաստանո՞ւմ: Ուկրաինայո՞ւմ: Մոլդովայի մասին ընդհանրապես լռում են»,- ասաց Բոդգան Ցիրդյան:
Նա նաեւ հավելեց, որ երկրներին ծրագրում ներգրավում էին՝ օգտագործելով տարբեր գործիքներ, ըստ էության փոխարենը ոչինչ չառաջարկելով: «Ո՛չ ԵՄ-ին անդամակցության հեռանկար, ո՛չ խոշոր ներդրումներ: Նպատակը Մերձսեւծովյան գոտուց Ռուսաստանին դուրս մղելն էր, ներխուժել շուկաներ, իսկ հետո ներքաշել ԵՄ ասոցացման մեջ: Ասոցացման խորհրդի միջոցով երկիրն արտաքինից կառավարելու գործիք է ի հայտ գալիս»,- նշեց մոլդովացի պատգամավորը:
Նրա խոսքով, ե՛ւ Մաքսային միությունում, ե՛ւ Եվրամիության հետ ասոցացման մեջ լինելը բացառվում էր հենց սկզբից: «Դրա հետեւանքով տուժեց Ուկրաինան: Ահա եւ արդյունքը: Բելառուսն ու Հայաստանը Մաքսային միությունում են (ԵՏՄ), Ուկրաինան՝ բաժանման եւ սնանկացման եզրին: Վրաստանը չի կարողանում հաղթահարել ճգնաժամը: Ադրբեջանը Թուրքայի կողմն է նայում, բայց խաղում է նաեւ Ռուսաստանի հետ»,- նշեց Բոգդան Ցիրդյան՝ հավելելով, որ ԵՄ-ն արդեն փորձում է վերանայել «Արեւելյան գործընկերության» հայեցակարգը, բայց առայժմ՝ անարդյունք:
