Նավթի համաշխարհային գները բացասական դինամիկա են գրանցել Իրանի միջուկային ծրագրի շուրջ բանակցությունների շարունակության ակնկալիքների ֆոնին։ Այս մասին վկայում են բորսայի տվյալները։
Brent տեսակի նավթի մայիսյան ֆյուչերսների արժեքը նվազել է 0.14 տոկոսով՝ հասնելով 56.13 դոլարի մեկ բարելի դիմաց։ WTI տեսակի նավթի գները նվազել են 0.48 տոկոսով եւ կազմել 47.37 դոլար մեկ բարելի դիմաց, գրում է «ՌԻԱ Նովոստի»-ն։
Սեւ ոսկին մի քանի օր շարունակ բացասական դինամիկա է գրանցում, քանի որ ներդրողներն ակնկալում են, որ Իրանի միջուկային ծրագրի շուրջ բանակցությունները կարող են հանգեցնել նրա հանդեպ պատժամիջոցների մեղմացմանը եւ որպես հետեւանք՝ նավթի համաշխարհային շուկա մատակարարումների ծավալի աճին։