Հայաստանի ՏԿԱԻՆ-ում, այսօր՝ ապրիլի 1-ին, ժամը 08.16-ին տեղեկություն է ստացվել, որ Էջմիածին-Արմավիր ավտոճանապարհի 7-րդ կմ-ում տեղի է ունեցել ավտովթար. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Էջմիածին-Արմավիր ավտոճանապարհի 7-րդ կմ-ին բախվել են «Աուդի» մակնիշի 67 QQ 001 համարանիշի մեքենան եւ «Իկարուս» մակնիշի 109 ԼT 28 համարանիշի ավտոբուսը:
«Աուդիի» վարորդը` 27-ամյա Է. Գ.-ը, ուղեւորները` 21-ամյա Հ. եւ 23-ամյա Վ. Մ.-ները, 21-ամյա Ս. Ս.-ը, եւ «Իկարուս» մակնիշի ավտոմեքենայի վարորդը` 69-ամյա Ե. Գ.-ը, տարբեր աստիճանի մարմնական վնասվածքներով հոսպիտալացվել են Էջմիածնի ԲԿ:
«Աուդիում» գտնվողներից 2-ի վիճակը բժիշկները գնահատում են ծայրահեղ ծանր, 2-ինը՝ ծանր կայուն:
Հրշեջ-փրկարարները հոսանքազրկել են ավտոմեքենաները եւ փակել գազի փականները:
