Լոզանում վերսկսվել են Իրանի հարցով բանակցությունները։ Այս մասին հայտնում է ՏԱՍՍ-ը՝ հղում կատարելով բանակցություններին մասնակցող իր դիվանագիտական աղբյուրներին։
«Դեռեւս ընթանում են երկկողմ խորհրդակցությունները եւ «վեցնյակի» ձեւաչափով հանդիպումը։ Իրանի եւ միջնորդ երկրների լիագումար հանդիպումը կկայանա մոտ ժամանակներս»,- հայտնել են գործակալության աղբյուրները։
Չինաստանի արտգործնախարար Վան Յին կարծիք է հայտնել, որ Իրանի միջուկային խնդրի շուրջ բանակցությունների ընթացքում առանցքային հարցերում էական առաջընթաց է գրանցվել։
«Շարունակվող հանդիպումների ընթացքում մենք կարող ենք ասել, որ մինչեւ օրվա վերջ կպատրաստվի փաստաթուղթ։ Այդ հարցում արդեն պայմանավորվածություն ենք ձեռք բերել, մնում է միայն «փաթեթավորել»,- հայտնել է գործակալության զրուցակիցը։