Հայաստանի Հանրապետության արտաքին գործերի նախարար Էդվարդ Նալբանդյանը ապրիլի 2-ին, աշխատանքային այցով կժամանի Տաջիկստան։
ԱԳՆ մամուլի ծառայությունից հայտնում են, որ Դուշանբեում նախարար Նալբանդյանը կմասնակցի ՀԱՊԿ անդամ պետությունների ԱԳ նախարարների խորհրդի նիստին:
Ապրիլի 3-4-ը ԱԳ նախարար Էդվարդ Նալբանդյանը կայցելի Բիշքեկ, որտեղ կմասնակցի ԱՊՀ անդամ պետությունների ԱԳ Նախարարների խորհրդի նիտին։
Ապրիլի 4-ին Ղրղզստան պաշտոնական այցի շրջանակներում ԱԳ նախարար Էդվարդ Նալբանդյանը հանդիպումներ կունենա Ղրղզստանի բարձրաստիճան ղեկավարության հետ: