Գյումրիում մարտի 28-ին «Հիմնադիր Խորհրդարանի» հրավիրած հանրահավաքի ժամանակ Հրաչիկ Միրզոյանի դանակահարության մեջ կասկածվող Կամո Խաչատրյանը ներկայացել է ոստիկանություն:

NEWS.am-ին ՀՀ քննչական կոմիտեի մամուլի ծառայությունից հայտնեցին, որ այն անձը, ում տուժողը լուսանկարում ճանաչել է՝ որպես իրեն մարմնական վնասվածք պատճառած անձ, այսօր՝ ապրիլի 1-ին, մեղայականով ներկայացել է ոստիկանություն:

Նշենք, որ «100-ամյակն առանց ռեժիմի»՝ մարտի 28-ին նախաձեռնած հանրահավաքի ժամանակ Գյումրիում դանակահարվել էր «Հիմնադիր Խորհրդարանի» անդամ Հրաչիկ Միրզոյանը: Դեպքի առթիվ հարուցվել է քրեական գործ Քր.օր.-ի 112 հոդվածի 1-ին մասի հատկանիշներով (Դիտավորությամբ ծանր մարմնական վնասվածք հասցնելը)։