Հայաստանը կարող է Եվրասիական տնտեսական միությունում նոր ներդրումների հույս ունենալ։ Այս մասին ապրիլի 1-ին Երեւանում Հայաստանի եվրասիական ինտեգրման հարցերով քննարկումների ժամանակ հայտարարել է ԱՊՀ երկրների ինստիտուտի էկոնոմիկայի բաժնի ղեկավար Ազա Միհրանյանը (Մոսկվա)։
«Ցավոք սրտի, ստեղծված տնտեսական իրավիճակի պայմաններում այդ ներդրումների տեմպերը որոշ չափով կարող են դանդաղել։ Սակայն Հայաստանը առավելագույն շանսեր ունի, քանի որ ռուսական կապիտալը երկրում վաղուց կայուն կերպով հաստատվել է»,- նշել է նա։
Միհրանյանի խոսքով՝ քանի որ ռուսական կապիտալն արդեն լայն մասշտաբներով ներկայացված է ԵՏՄ-ում, Հայաստանի գլխավոր խնդիրներից մեկը պիտի լինի ղազախական կապիտալի ներգրավումը, ինչը երկրում այս պահին գրեթե բացակայում է։