Թուրքիայի ոստիկանությունը ձերբակալել է 22 մարդու՝ մարտի 31-ին դատարանի դահլիճում պատանդ վերցնելուն առնչություն ունենալու կասկածանքով: Այս մասին գրում է Agence France-Presse-ն իր Twitter-ում:
Այս մասին նշվում է իրավապահ մարմինների զեկուցագրում, հաղորդում է Gazeta-ն:
Ավելի վաղ NEWS.am-ը հայտնել էր, որ Թուրքիայում 2 մարքսիստ-լենինիստի կողմից պատանդ վերցված դատախազը հիվանդանոցի ճանապարհին մահացել է հրազենից ստացած վնասվածքից:
Ստամբուլում Գեզի այգու իրադարձությունների ժամանակ ոստիկանների կողմից սպանված երեխայի գործով դատախազն իր աշխատասենյակում պատանդ էր վերցվել DHKP-C-ի (Հեղափոխական ժողովրդական փրկության կուսակցության ճակատ) 2 անդամի կողմից, ովքեր մի քանի պահանջներ էին ներկայացրել իշխանություններին՝ մերժման դեպքում սպառնալով սպանել դատախազին:
Թուրքական ոստիկանությունը գրոհել է դատախազի սենյակը, որի ընթացքում սպանվել են DHKP-C-ի 2 անդամը, իսկ դատախազը ծանր վիրավորված տեղափոխվել էր հիվանդանոց, սակայն նրա կյանքը փրկել չի հաջողվել:
