Բազում գյուղի տներից մեկում հայտնաբերված 59-ամյա տղամարդը մահացել է իր մահով: Այս մասին NEWS.am-ի թղթակցի հետ զրույցում ասաց Բազումի գյուղապետ Սրբուհի Հարությունյանը:
Նա նշեց, որ տղամարդու մոտ առկա էր հաշմանդամություն, երկու ոտքերը կտրել էին: Նա ապրում էր միայնակ, ամուսնալուծված է, կնոջ եւ երեխաների մասին որեւէ տեղեկություն չունեն: Գյուղապետից նաեւ տեղեկացանք, որ վերջին ամսվա ընթացքում մահացողի ինքնազգացողությունը բազմիցս վատացել է, մի քանի անգամ «Շտպաօգնություն» են կանչել եւ այլն: Նա չէր աշխատում, ապրում էր թոշակով եւ նպաստով, ինքն էր իրեն խնամում, հակում ուներ ալկոհոլի նկատմամբ:
Ավելի վաղ հայտնել էինք, որ NEWS.am-ի տեղեկություններով՝ Լոռու մարզի Բազում գյուղի տներից մեկում տղամարդու դիակ է հայտնաբերվել: Նա 59 տարեկան էր, այդ տնակի բնակիչն էր, ապրում էր միայնակ:
Թե ինչ հանգամանքներում է մահացել տղամարդը, դեռ հայտնի չէ: Նշանակվել է դատաբժշկական փորձաքննություն: Ոստիկանությունից NEWS.am-ի հետ զրույցում հայտնել են, որ դիակի վրա արտաքին զննությամբ բռնության հետքեր չեն հայտնաբերվել: