ԽՍՀՄ հավաքականի եւ Կիեւի «Դինամոյի» նախկին աստղ, ֆուտբոլիստ Լեոնիդ Բուրյակը մեծ սիրով է հիշում խորհրդային Հայաստանը, Խորեն Հովհաննիսյանի հետ միասին անցկացրած տարիները: Երևան կատարած այցի ժամանակ նա իր հիշողությունները կիսեց NEWS.am-ի թղթակից Վերա Մարտիրոսյանի հետ զրույցում:
«Խորենի հետ միշտ շատ մտերիմ ենք եղել: Հիշում եմ՝ ես միշտ դժգոհում էի, քանի որ երբ մեկնում էինք խաղերի, այնտեղ միշտ բազմաթիվ հայեր էին հավաքվում: Գալիս էին մեր հյուրանոց եւ կանչում էին Խորենին: Երբ գնացինք Արգենտինա, ասացի՝ գոնե այստեղ չե՞ն գա հայերը: Ես չէի կարող բաց թողնել այս առիթը՝ գալ Երեւան՝ նրա հոբելյանն այստեղ նշելու:
Հայաստանն այլ կերպ եմ հիշում: Այն ժամանակ այստեղ ապրում էին ֆուտբոլով: Ես միշտ մոտ հարաբերությունների մեջ եմ եղել Լեւոն Իշտոյանի, Հովհաննես Զանազանյանի եւ «Արարատի» մյուս ֆուտբոլիստների հետ: Այս անգամ երբ եկա, այցելեցի տղաներին: Զանազանյանը վատառողջ էր, հեռախոսով խոսեցինք Անդրեասյանի հետ:
Երեւանում զբոսնում էի: Զգացվում էր, մարդիկ հանգիստ են: Քաղաքը գեղեցկացել է: Միշտ սիրել եմ Հայաստանը ու սիրով եմ եկել այստեղ:
ԽՍՀՄ առաջնությունն ավելի ուժեղ էր, քան այսօրվա մեր երկրների առաջնությունները: Հավաքականի առումով այսօրվա ֆուտբոիստներին այժմ ավելի լավ է՝ կարողանում են խաղալ ազգային հավաքականներում, իսկ այն ժամանակ Իշտոնյանի կարգի ֆուտբոլիստները չէին կարողանում ընդգրկվել հավաքականում: Այդ առումով բացառություն էր Խորեն Հովհաննիսյանը: Նա ԽՍՀՄ հավաքականում հանդես եկավ տարբեր մարզիչների ժամանակ:
Հայաստանի հավաքականը ինձ շատ է դուրս գալիս: Չի կարելի ասել, որ հեշտությամբ հնարավոր է հաղթել հայերին: Հիմա էլ մեծ սիրով հետեւում եմ Հայաստանի հավաքականի խաղերին:
Ես այժմ ինձ նվիրել եմ ընտանիքիս: Երեխաներս առանց ինձ մեծացան, այդ բացը լրացնում եմ թոռնիկներիս դաստիարակելով: Շուտով չորրորդը կծնվի» - պատմեց լեգենդար ֆուտբոլիստը:
Սիրու՞մ եք ֆուտբոլ , այդ դեպքում ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ MasterCard UEFA Champions League քարտը հենց Ձեզ համար է. Ֆուտբոլային թեմայով ձևավորված MasterCard UEFA Champions League քարտի առկայությունը Ձեր դրամապանակում պարզապես անհրաժեշտություն է, քանի որ այն նախատեսված է իսկական ֆուտբոլասերների համար` հնարավորություն ընձեռելով ոչ միայն տնօրինել Ձեր ֆինանսական միջոցները, այլ նաև ստանալ պարգևատրուներ UEFA Chempiones League լոգոտիպը կրող տարատեսակ հուշանվերներ UEFA ի պաշտոնական էջից:
Մանրամասներին ծանոթացեք այստեղ:
Հիշեցնենք, որ մարտի 28-ին Երևանում տեղի ունեցավ ԽՍՀՄ - Աշխարհի հավաքականների ընկերական հանդիպումը: Խաղն ավարտվեց 3:3 հաշվով:
Չիլիացի ֆուտբոլային աստղ Իվան Լուիս Սամորանոն դուբլ է ձեւակերպել: Աշխարհի հավաքականում երկրորդ գոլի հեղինակ է դարձել Ժան Պիեռ Պապենը:
ԽՍՀՄ հավաքականում աչքի են ընկել Վալերի Գազաեւը, օրվա «մեղավոր» Խորեն Հովհաննիսյանը եւ Իգոր Բելանովը:
Վերա Մարտիրոսյան / Vera&Football