Հայաստանի ՏԿԱԻՆ-ում, այսօր՝ ապրիլի 1-ին, ժամը 12.06-ին ահազանգ է ստացվել, որ միջպետական Մ-4 ավտոճանապարհին` Երեւան-Աբովյան հատվածում` Աբովյան քաղաքի 1-ին շրջադարձի մոտակայքում, տեղի է ունեցել ավտովթար. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ դեռեւս չբացահայտված հանգամանքներում, «ԲՄՎ» մակնիշի 35 TՕ 731 համարանիշի ավտոմեքենան (վարորդ` 1990 թ. ծնված Ա. Բ.) դուրս է եկել ճանապարհի երթեւեկելի մասից եւ բախվել ճամփեզրին կայանված «Հոնդա» մակնիշի 34 AD 624 համարանիշի (վարորդ` 1985 թ. ծնված Ս. Զ) ավտոմեքենային:
Մինչ հրշեջ-փրկարարների կանչի վայր հասնելը` «Հոնդա» մակնիշի ավտոմեքենայի ուղեւոր Զ. Մ.-ը հոսպիտալացվել է Աբովյանի ԲԿ, որտեղ բժիշկները տուժածի առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենաները եւ փակել գազի բալոնների փականները: