ԿԺԴՀ առաջնորդ Կիմ Չեն Ընը այցելել է երկրի մեքենաշինական գործարանը, որը սկսել է թեթեւ քաղաքացիական օդանավեր արտադրել։ Այս մասին տեղեկացնում է Կորեայի կենտրոնական հեռագրային գործակալությունը։
Հատուկ Կիմ Չեն Ընի համար փորձնական ինքնաթիռ է պատրաստվել։ Նախագահը հայտարարել է, որ գոհ է գիտնականների աշխատանքից, որոնք մեկ տարվա ընթացքում կարողացել են ազգային թռիչքային սարքավորումներով հագեցած ինքնաթիռ ստեղծել, գրում է Informing.
Նախկինում այս գործարանում ինքնաթիռներ էին պատրաստում երկրի ռազմական ավիացիայի համար։
Կորեական լրատվամիջոցները չեն հստակեցնում, թե որտեղ է գտնվում այդ հաստատությունը։ Չի նշվում նաեւ Կիմ Չեն Ընի այցի օրը։