Օգտատերերը հիմա կարող են հայկական Idram վճարային համակարգով դրամապանակից գումար փոխանցել Յանդեքս.Գումար ծառայությանը։ Այսպիսով՝ հնարավոր կլինի հեշտությամբ գումար փոխանցել Հայաստանում գտնվող հարազատներին։ Գումարը կուղարկվի ռուբլով, բայց տեղ կհասնի դրամով։ Այս մասին NEWS.am-ին տեղեկացրել են ընկերության մամուլի ծառայությունից։
Յանդեքս.Գումար կայքում դրամական միջոցներ փոխանցելու համար բավական է նշել գումարը, Idram-ի հաշվեհամարը եւ հաստատել փոխանցումը։ Գումարը տեղ կհասնի հաշված րոպեների ընթացքում։
Յանդեքս.Գումար ծառայությունը թույլ է տալիս դրամական փոխանցումներ կատարել Հայաստան նաեւ այլ ճանապարհով՝ բանկի հաշվեհամարներին եւ քարտերին։
Idram-ը Հայաստանի խոշորագույն վճարային համակարգն է։ Այսօր այնտեղ բացված է 120 հազար էլեկտրոնային հաշիվ։